Joriy yilning 4-may kuni Farg‘ona viloyati statistika boshqarmasining “Ro‘yxatga olish jarayonlarini tashkil etish” bo‘limi yetakchi mutaxassisi M.Fozilova hamda Quvasoy shahar statistika bo‘limi bosh mutaxassisi E.Rahmonovlar tomonidan Quvasoy shahridagi “Guliston” mahalla fuqarolar yig‘ini faollari bilan hamkorlikda mahalladagi raqamlanmagam uylarning aniq soni, mavjud ko‘chalarning nomi belgilarining mavjudligi, mahalla xaritasidagi barcha turar va noturar obyektlarning to‘griligi solishtirildi. Bundan tashqari mahalla fuqarolar yig‘ini xodimlariga mazkur masala bo‘yicha qilinishi lozim bo‘lgan ishlar haqida kelishib olindi.
