Joriy yilning 14-aprel kuni Farg‘ona viloyati statistika boshqarmasining “Ro‘yxatga olish jarayonlarini tashkil etish va uni o‘tkazish” bo‘limi boshlig‘i A.Abdurazakov, mazkur bo‘limning mutaxassislari G‘. Mamajonov va L.Omonovlar Farg‘ona tumani “Yangi asr” mahalla fuqarolar yig‘inining vakili bilan hamkorlikda mahallaning yangilangan xaritasiga kiritilgan o‘zgartirishlarni joyiga chiqib, raqamlangan va raqamlanmagan uylarni hamda mahalla aholi sonini xarita bilan solishtirish ishlarini amalga oshirdilar. Bundan tashqari, kelajakda amalga oshirilishi lozim bo‘lgan vazifalar haqida kelishib olindi.
