Joriy yilning 10- may kuni Farg‘ona viloyati statistika boshqarmasi boshlig‘ining birinchi o‘rinbosari F.Yakubov, O‘zbekiston tumani statistika bo‘limi bosh mutaxassisi J.Madrahimov hamda mazkur bo‘lim intervyuyeri tomonidan O‘zbekiston tumanida tanlanma kuzatuvlarni sifatli va shaffof tashkil etish maqsadida, yakka tartibdagi tadbirkorlar hamda o‘zini-o‘zi band qilgan jismoniy shaxslarning ish faoliyati o‘rganildi. Tadbir davomida xizmat ko‘rsatish bo‘yicha shu kungacha o‘tkazilgan kuzatuvlardagi kamchiliklarga keyingi tanlanma kuzatuvlarida yo‘l qo‘ymaslik va ularni sifatli tashkil etish bo‘yicha hududiy bo‘lim intervyuyeriga tegishli ko‘rsatma va topshiriqlar berildi.
