Joriy yilning 3-aprel kuni Farg‘ona viloyati statistika boshqarmasining “Ro‘yxatga olish jarayonlarini tashkil etish va uni o‘tkazish” bo‘limi boshlig‘i A.Abdurazakov, mazkur bo‘lim mutaxassislari G‘. Mamajonovlar Quva tumani “Damariq” mahalla fuqarolar yig‘inining vakillari bilan hamkorlikda mahallaning yangilangan xaritasiga kiritilgan o‘zgartirishlarni joyiga chiqib, raqamlangan va raqamlanmagan uylarni xarita bilan solishtirish ishlarini amalga oshirdilar. Bundan tashqari mahalla aholisi o‘rtasida mazkur tadbirning o‘tkazilishi va uning ahamiyati yuzasidan targ‘ibot-tashviqot ishlari olib borildi.
