Joriy yilning 28- aprel kuni Farg‘ona viloyati statistika boshqarmasining “Ro‘yxatga olish jarayonlarini tashkil etish va uni o‘tkazish” bo‘limi mutaxassisi G.Mamajonov tomonidan Qo‘shtepa tumani “Mumtoz” mahalla fuqarolar yig‘inida mahalla xaritasiga kiritilgan o‘zgartirishlar yuzasidan ko‘chalar nomi belgilarining ilinganligi hamda raqamlanmagan uylarni xarita bilan solishtirish ishlari amalga oshirildi. Bundan tashqari mahalla aholisi o‘rtasida mazkur jarayonning mazmun-mohiyati va maqsadi haqida tushuncha berildi.
