Avval xabar berganimizdek, barcha joylardagi kabi Farg‘ona viloyatida ham turizm bo‘yicha tanlanma kuzatuvlari o‘tkazilmoqda. Joriy yilning 23-may kuni Farg‘ona viloyati statistika boshqarmasining “Tashqi iqtisodiy faoliyat va savdo statistikasi” bo‘limi bosh mutaxassis N.Mahmudova hamda mazkur kuzatuvga biriktirilgan interviyuyerlar ishtirokida Farg‘ona xalqaro aeroportida O‘zbekiston Respublikasi hududiga kirish va chiqishga oid turizm bo‘yicha tanlanma kuzatuvlari o‘tkazildi. Kuzatuvda turistlar oqimi, turistlarning safar maqsadi va davomiyligi, respublika hududida chet ellik turistlarning va chet elga safar qilgan O‘zbekiston rezidentlarining amalga oshirgan sarf-harajatlari tarkibi kabi ma’lumotlarni shakllantirishdan iborat.
