Tez tibbiy yordam ko‘rsatish, ichki ishlar xizmatini yaxshilash, favqulotda vaziyatlar holatida ishlarni tashkil etishda manzillarni tez va to‘g‘ri topib borishda uylarni raqamlanganligi va ko‘cha nomi belgilarining mavjudligi alohida o‘rin tutadi. Shu bois O‘zbekiston tumani statistika bo‘limi mutaxassislari tomonidan joylarda aholini ro‘yxatga olish jarayonlariga puxta tayyorgarlik ishlari olib borilmoqda. Jumladan, joriy yilning 24-dekabr kuni mazkur bo‘limi bosh mutaxassisi J.Madrahimov tomonidan O‘zbekiston tumaniga qarashli “Bozor Yaypan” mahalla fuqarolar yig‘ini faollari bilan hamkorlikda mahallaning yangilangan xaritasiga kiritilgan o‘zgartirishlarni joyiga chiqib, raqamlangan va raqamlanmagan uylarni, ko‘cha nomi belgilarining mavjudligi hamda mahallada mavjud noturar obyektlarni xarita bilan solishtirish ishlari amalga oshirildi.
