Aholini ro‘yxatga olish jarayoniga tayyorgarlik ko‘rish maqsadida viloyatimiz hududlarida statistika organlari tomonidan mahalla faollari bilan birgalikda reja-jadval asosida mahallalardagi raqamlanmagan xonadonlarni raqamlashtirish va nom belgilari o‘rnatilmagan ko‘chalar holatini o‘rganish ishlari olib borilmoqda. Chunonchi, joriy yilning 15-yanvar kuni Farg‘ona tumani statistika bo‘limi mutaxassislari tomonidan Farg‘ona tumaniga qarashli “Navro‘z” mahalla fuqarolar yig‘inida yuqoridagi ishlar amalga oshirildi.
