Joriy yilning 7-fevral kuni Farg‘ona viloyati statistika boshqarmasi xodimlari ishtirokida seminar tashkil etildi. Seminarda Farg‘ona viloyati statistika boshqarmasining bosh yuriskonsulti A.Nurmatov qatnashib, kun tartibiga qo‘ilgan O‘zbekiston Respublikasi Prezidentining 2025-yil 03-fevral kungi “Nogironligi bo‘lgan bolalarga ijtimoiy xizmat va yordam ko‘rsatish tizimini yanada takomillashtirish bo‘yicha chora-tadbirlar to‘g‘risida”gi PQ-41-son qarori mazmun-mohiyati yuzasidan ma’ruza qildi. Ma’ruzada, 2025-yil 1-martdan tajriba-sinov tariqasida bosqichma-bosqich Qoraqalpog‘iston Respublikasi, Andijon, Qashqadaryo, Samarqand, Surxondaryo va Toshkent viloyatlari hamda Toshkent shahrida, 2025-yil 1-oktyabrgacha respublikaning qolgan hududlarida 3 yoshdan 18 yoshgacha nogironligi bo‘lgan bolalar uchun davlat-xususiy sheriklik asosida kunduzgi parvarish xizmati yo‘lga qo‘yilishi, bunda nogironligi bo‘lgan bolalar kunduzgi parvarish xizmatiga ularning ota-onalari bilan “Inson” ijtimoiy xizmatlar markazlari o‘rtasida tuzilgan ijtimoiy shartnoma asosida hamda Psixologik-tibbiy-pedagogik komissiya tomonidan belgilangan tartibda berilgan xulosaga muvofiq qabul qilinishi tartibi joriy etilishi, 2025-yil 1-martdan kunduzgi parvarish xizmatiga oid faoliyatni amalga oshiruvchi tadbirkorlarni qo‘llab-quvvatlashning kunduzgi parvarish xizmatidan foydalanilgan bir kun uchun 3 yoshdan 7 yoshgacha bo‘lgan har bir bolaga bazaviy hisoblash miqdorining 25 foizi miqdorida va 7 yoshdan 18 yoshgacha bo‘lgan har bir bolaga – 27 foizi miqdorida subsidiya ajratilishi, bunda viloyatlar markazlari, Toshkent va Nukus shaharlari uchun subsidiya miqdori 1,1 ko‘paytiruvchi koeffitsiyentni qo‘llash orqali aniqlanishi, kambag‘al oilalar reyestriga kiritilgan oilalarning nogironligi bo‘lgan har bir bolasi uchun yuqorida ko‘rsatilgan subsidiya umumiy miqdorining 30 foizi miqdorida qo‘shimcha mablag‘ to‘lab berilishi, shuningdek, qarorga ko‘ra, 2027-yil 1-iyulgacha kunduzgi parvarish xizmatini yo‘lga qo‘ygan tadbirkorlarga Markaziy bankning asosiy stavkasida davlat-xususiy sheriklik loyihasi doirasida mebel va jihozlar xaridi uchun imtiyozli kreditlar ajratilishi, ijtimoiy xizmat va yordam ko‘rsatishni tashkil etish jarayonlarini raqamlashtirish maqsadida, 2025-yil 1-martgacha “Yagona milliy ijtimoiy himoya” axborot tizimida “Kunduzgi parvarish xizmatini boshqarish” axborot moduli hamda uning mobil ilovasi, 2025-yil 1-sentyabrgacha bolalarning rivojlanishida kuzatiladigan nuqsonlarni erta aniqlash va o‘z vaqtida kompleks ijtimoiy-tibbiy yordam bilan qamrab olish, ularda nogironlikning oldini olish hamda nogironligi bo‘lgan bolalarda muvaffaqiyatli ijtimoiylashuvni ta’minlashga ko‘maklashuvchi “Bolalar salomatligi” axborot tizimi ishga tushirilishi haqida shu va boshqa ma’lumotlar berildi. Shundan so‘ng, kun tartibiga qoyilgan “Jamiyatda korrupsiyaga qarshi kurashishda murosasizlik madaniyati tushunchasi” mavzusi bo‘yicha ma’ruza tinglandi. Ma’ruzada halollik, o‘z ma’nosiga ko‘ra, to‘g‘rilik, adolat, sofdillik, samimiylik, iymon so‘zlari bilan uyg‘unligi, to‘g‘rilik, halollikni singdirish insoniyat tarixida eng qiyin ishlardan bo‘lganligi, buni yuksalishga erishgan davlatlar tarixini o‘rganish davomida ham ko‘rish mumkinligi, korrupsiyaga qarshi kurashda jamoatchilik rolini oshirish, kerak bo‘lsa, to‘g‘rilik, halollikka barcha vositalar bilan bo‘lsa ham o‘rgatish masalasiga alohida to‘xtalib o‘tildi. Jamiyatda halollik, rostlik, to‘g‘rilik fazilatiga ega bo‘lishga intilishning yalpi ijti moiy harakatga aylanishi ijtimoiy zarurat ekanligi haqida batafsil ma’lumot berildi.
