Joriy yilning 28-mart kuni Farg‘ona viloyati statistika boshqarmasi xodimlari ishtirokida hukumatimiz tomonidan yangi qabul qilingan qonunchilik hujjatlari sharhiga bag‘ishlangan seminar tashkil etildi. Seminarda Farg‘ona viloyati statistika boshqarmasining bosh yuriskonsulti A.Nurmatov qatnashib, kun tartibiga qo‘yilgan O‘zbekiston Respublikasi Prezidentining 2025-yil 25 -mart kunidagi “Seysmik xavfsizlikni ta’minlash tizimi takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartirishlar kiritish to‘g‘risida”gi O‘RQ-1050-son Qonuni hamda O‘zbekiston Prezidentining 2025-yil 24-mart kunigi “Chiqindilarni qayta ishlash sohasini yanada takomillashtirish hamda kompleks tizimlashtirish chora-tadbirlari to‘g‘risida” gi PF-56-son Farmonini mazmun va mohiyatiga bag‘ishlangan ma’ruzasi tinglandi. U o‘z so‘zida, mamlakatimizda shaharsozlik sohasi obyektlarining seysmik chora-tadbirlar qabul jarayonlarini takomillashtirish va shaharsozlik faoliyati xavfsizligini ta’minlash bo‘yicha tizimli ishlar qilinayotganligi,shu bilan birga keyingi vaqtlarda dunyoning turli mamlakatlarida sodir bo‘layotgan kuchli zilzilalar natijasida yetkazilayotgan zararlar kupayib, mamlakatimizda seysmik xavfsizlikni ta’minlashga hamda binolar va inshootlarning zilzilabardoshligini oshirishga bir qator manzilli chora-tadbirlarni amalga oshirilishini talab etilayotganligi, binolar va inshootlarni qurishni hamda ta’mirlashni amalga oshiruvchi tashkilotlarning mas’uliyatini oshirish, shaharsozlik to‘g‘risidagi qonunchilikda belgilangan talablarga kat’iy rioya etilishi ustidan nazoratni kuchaytirish zaruriyati yuzaga kelayotganligi, O‘zbekiston Respublikasining Jinoyat kodeksiga binolar va inshootlardan foydalanishga doir ruxsatnoma berish hamda ularni foydalanishga qabul qilib olish qoidalarini buzganlik, shaharsozlik sohasidagi vakolatli davlat organlarining ruxsatisiz obyektlarni qurganlik, qonunchilikni buzgan holda ko‘p kvartirali uylardagi tayanch konstruksiyalarni o‘zgartirganlik va (yoki) rekonstruksiya qilganlik, shuningdek binolar va inshootlarni aholi punktlarining tasdiqlangan bosh rejalarini, ularni rejalashtirish va qurish loyihalarini buzgan holda loyixalashtirganlik, rekonstruksiya qilganlik va qurganlik uchun javobgarlik yuzaga kelishini nazarda tutuvchi o‘zgarishlar kiritilganligi yuzasidan ma’ruzasi tinglandi. Bundan tashqari, O‘zbekiston Prezidentining 2025-yil 24-mart kunigi “Chiqindilarni qayta ishlash sohasini yanada takomillashtirish hamda kompleks tizimlashtirish chora-tadbirlari to‘g‘risida” gi PF-56-son Farmonida chiqindilarni qayta ishlash sohasidagi mavjud qattiq maishiy chiqindi poligonlarini 2030- yilgacha 50 foizga qisqartirish, yangidan hosil bo‘layotgan chiqindilarni poligonlarga yo‘naltirmasdan, maksimal darajada qayta ishlash yoki kuydirish, sohaga sirkulyar iqtisodiyot amaliyotini joriy qilish, 2026- yildan boshlab chiqindi poligonlari Ekologiya, atrof-muhitni muhofaza qilish va iqlim o‘zgarishi vazirligi taklifiga muvofiq Vazirlar Mahkamasi qaroriga asosan tashkil etilishi kabi asosiy yo‘nalishlar etib belgilangaligi haqida ma’ruza qildi. Shuningdek, Chiqindilarni boshqarish va sirkulyar iqtisodiyotni rivojlantirish agentligi tizimida chiqindi poligonlari hududida chiqindilarni utilizatsiya qilish va qayta ishlashga ixtisoslashgan sanoat zonalari 30- yil muddatga tashkil etilishi, Namangan va Toshkent viloyatlarida qattiq maishiy chiqindilarni termik usulda utilizatsiya qilish (yoqish) bo‘yicha investitsiya loyihalarini amalga oshirish maqsadida qishloq xo‘jaligiga mo‘ljallangan sug‘oriladigan 19,87 gektar yer uchastkalari qishloq xo‘jaligiga mo‘ljallangan yerlar toifasidan sanoat, transport, aloqa, mudofaa va boshqa maqsadlarga mo‘ljallangan yerlar toifasiga o‘tkazilishi haqidagi ma’lumotlarga ham to‘xtalib o‘tildi.
