Farg‘ona viloyati aholisining turmush darajasi va farovonligini o‘rganish maqsadida, viloyat statistika boshqarmasi hodimlari tomonidan har oyda uy xo‘jaliklarida tanlama usulda kuzatuvlar o`tkaziladi. Xususan, joriy yilning 17-aprel kuni boshqarmaning Turmush darajasi statistikasi va uy xo‘jaliklari kuzatuvlari bo‘limi mutaxassisi M.To‘xtamatov tomonidan uy xo‘jaliklari kuzatuviga tushgan Oltiariq tumanidagi “Sharq” MFYda istiqomat qiluvchi O. Soliyevalar xonadonida so‘rovnoma o‘tkazildi. So‘rovnoma natijalaridan aholining turmush darajasi, ta’lim, atrof-muhit, sog‘liqni saqlash, kambag‘allik ko‘rsatkichlarini, iste’mol narxlari indeksini hisoblash, milliy hisoblar tizimida uy xo‘jaliklari sektori hisoblarini tuzish va boshqa statistika hisob-kitoblarda foydalanilanish ko‘zda tutilganligi haqida respondentga tushuntirildi. Kuzatuvdan olingan ma’lumotlar joyida planshet qurilmasiga kiritildi.
