Agrar sohani rivojlantirish, oziq-ovqat xavfsizligini ta’minlash, aholini sifatli qishloq xo‘jaligi mahsulotlariga bo‘lgan talabini qondirish muhim yo‘nalishlardan biri hisoblanadi. Sohada amalga oshirilayotgan ishlar natijasini statistika hisobotlarini to‘liq va to‘g‘ri aks ettirilishida fermer xo‘jaliklarida buxgalteriya hisobini yurituvchi markazlar, qishloq xo‘jaligi hamda veterenariya va chorvachilikni rivojlantirish bo‘limlarining o‘rni muhim ahamiyat kasb etadi. Shu bois statistika hisobotlarida qishloq xo‘jaligi yer maydonlari, chorva mollari va parrandalar bosh soni, yetishtirilayotgan qishloq xo‘jaligi mahsulotlari hajmlari hisobini to‘g‘ri yuritish va shaffiof to‘ldirish maqsadida joylarda viloyat statistika boshqarmasining Qishloq xo‘jaligi va atrof-mahit statistikasi bo‘limi tomonidan o‘quv seminarlari tashkil etilmoqda. Xususan, ana shunday o‘quv seminari joriy yilning 11- avgust kuni Farg‘ona tumani hamda Quvasoy shahrida faoliyat olib borayotgan buxgalteriya hisobi markazlari hamda qishloq xo‘jaligi bo‘limi xodimlari ishtirokida bo‘lib o‘tdi.
