Farg‘ona viloyati statistika boshqarmasi ma’lumotlariga ko‘ra, 2026-yilning yanvar–aprel oylarida viloyatda ko‘chmas mulk bilan bog‘liq xizmatlar hajmi 370,2 milliard so‘mni tashkil etdi.
O‘tgan yilning mos davriga nisbatan 10,0 foizga qayd etilgan o‘sish hududda uy-joy bozori faollashib borayotganini, ko‘chmas mulkni sotish, ijaraga berish va boshqarish xizmatlariga talab ortayotganini ko‘rsatadi.
Ushbu yo‘nalishdagi ijobiy dinamikalar qurilish sohasining rivojlanishi, yangi turar joy va tijorat obyektlarining foydalanishga topshirilishi hamda investitsion faollikning oshishi bilan chambarchas bog‘liq.
Ko‘chmas mulk bilan bog‘liq xizmatlar sohasining barqaror rivojlanishi hudud iqtisodiyotini diversifikatsiya qilish, biznes muhitini yaxshilash va aholining yashash sharoitlarini yanada takomillashtirishga xizmat qilmoqda.
