O‘zbekiston Respublikasi Vazirlar Mahkamasining 2021-yil 13-martdagi "Davlat tashkilotlari xodimlarining xuquqiy savodxonligini yanada oshirish chora-tadbirlari to‘g‘risida"gi 134-sonli qarori qabul qilindi
"Xuquqiy axborotni tarqatish va undan foydalanishni taʼminlash to‘g‘risida"gi O‘zbekiston Respublikasi Konunining 7-moddasida vazirliklar, davlat qo‘mitalari va idoralar o‘z soha faoliyatiga doir normativ-huquqiy xujjatlar mazmun-mohiyati va ahamiyatini tushuntirish, jamiyatda huquqiy ongni, huquqiy madaniyatni yuksaltirish bo‘yicha zarur ishlarni tashkil etishi belgilangan.
Ushbu qarorda Davlat xizmatining yagona elektron-axborot tahlil tizimi orqali davlat tashkilotlari xodimlarining huquqiy savodxonligi darajasini oshirish bo‘yicha o‘qitish va baholab borish (har 3 yilda 1 marta) tizimi joriy etiladi.
- davlat tashkilotlari xodimlarining huquqiy savodxonligi darajasini oshirish bo‘yicha o‘quv dasturi, materiallar va test savollari bazasini shakllantiradi;
- davlat tashkilotlari xodimlarning huquqiy savodxonligi darajasini baholaydi va monitoring qiladi;
- yuqori ko‘rsatkichga erishgan davlat tashkilotlarining ijobiy tajribalarini boshqa tashkilotlar faoliyatiga ham joriy etadi;
- salbiy natijalar qayd etgan idoralar va hududlarda buning sabablarini bartaraf etish bo‘yicha uslubiy ko‘rsatma va takliflar ishlab chiqadi;
Davlat tashkilotlariga baholashdan o‘tmagan xodimlarining o‘qitilishi va qayta baholashdan o‘tkazilishiga oid ko‘rsatma beradi.
Hukumatga va O‘zbekiston Respublikasi Prezidenti huzuridagi Davlat xizmatini rivojlantirish agentligiga tahliliy maʼlumotlar kiritib boradi.
Davlat tashkilotlari: elektron platformaga joylashtirilgan o‘quv materiallari asosida o‘z xodimlarining mustaqil ravishda (ishdan ajralmagan holda) o‘qishlarini taʼminlaydi.
Huquqiy savodxonligi bo‘yicha MINIMАL TАLАBLАR:
-Konstitutsiya;
-“Jismoniy va yuridik shaxslarning murojaatlari to‘g‘risida”gi Qonun
-Korruptsiyaga qarshi kurashishga oid qonunchilik hujjatlari;
-Jinoyat va Maʼmuriy javobgarlikka oid qonunchilik hujjatlari;
-Mehnat to‘g‘risidagi qonunchilik hujjatlari;
-lex.uz sayti bilan erkin ishlay olish ko‘nikmalari.
Quyidagi xodimlar baholashdan o‘tkaziladi:
davlat boshqaruvi organlari markaziy apparati tarkibiy bo‘linmalari, hududiy bo‘linmalari, tizimidagi tashkilotlar rahbarlari, o‘rinbosarlari va boshqaruv xodimlari;
viloyat darajasidagi hokimlarning o‘rinbosarlari, tuman (shahar) hokimlari, ularning o‘rinbosarlari, hokimliklar tarkibiy bo‘linmalari rahbarlari, o‘rinbosarlari va boshqaruv xodimlari.
Davlat tashkilotlari xodimlarining huquqiy savodxonligi minimal talablar asosida tuziladigan test sinovlari orqali baholanadi.
