Joriy yilning 10-yanvar kuni Tosh.DO‘TAU huzuridagi “Davlat tilida ish yuritish asoslarini o‘qitish va malaka oshirish markazi” tomonidan “O‘zbek adabiy tili me’yori va davlat tilida ish yuritish” kursi bo‘yicha o‘quv mashg‘uloti o‘tkazildi. Onlayn tarzida o‘tkazilgan mashg‘ulotda “Lotin yozuvi asoslari, lotin yozuviga o‘tish” mavzusida bo‘lib, lotin yozuviga asoslangan o‘zbek alifbosiga oid bilimlarni yanada takomillashtirishning huquqiy asoslari, o‘zbek alifbosining imlo qoidalari, harfiy va ishoraviy belgilarning xatosiz yozilishi kabi mavzularga to‘xtalib o‘tildi. Mazkur o‘quv mashg‘ulotlari davom etmoqda.
Axborot xizmati.