Farg‘ona viloyatii statistika boshqarmasi bo‘lim boshlig‘i A.Abdurazzaqov O‘zbekiston Respublikasi Vazirlar Mahkamasining 2020-yil 11-noyabrdagi "O‘zbekiston Respublikasida 2023-yilda aholini ro‘yxatga olishga tayyorgarlik ko‘rish va uni o‘tkazish chora-tadbirlari to‘g‘risida”gi 710- sonli qarorining bajarilishi yuzasidan viloyat radiosi orqali aholini ro‘yxatga olishning asosiy tamoyillari haqida so‘z yuritdi.
U xususan, aholini ro‘yxatga olish o‘n yilda kamida bir marta o‘tkazilishi, aholini ro‘yxatga olishning yagona belgilangan sanasida shaxsga doir ma’lumotlarni yig‘ish, O‘zbekiston Respublikasining butun hududida yoki uning muayyan hududlarida bir payitning o‘zida amalga oshirilishi, shaxsga doir ma’lumotlar yig‘ilayotganda ro‘yxatga olish varag‘i har biri uchun yakka tartibda to‘ldirilishi, aholini ro‘yxatga olishning shaxsga doir ma’lumotlari maxfiy bo‘lishi va roziligisiz oshkor etilmasligi, O‘zbekiston Respublikasi bo‘yicha aholini ro‘yxatga olishga tayyorgarlik ko‘rish va uni o‘tkazishni yagona boshqaruv tizimini yaratish asosida markazlashtirilgan holda amalga oshirilishi haqida to‘xtalib o‘tdi.
Axborot xizmati.