Joriy yilning 1-noyabr kuni Yozyovon tumaniga qarashli 4-umumiy o‘rta ta’lim maktabining xodimlari uchun O‘zbekiston Respublikasi Vazirlar Mahkamasining 2020-yil 11-noyabr kungi 710-sonli “O‘zbekiston Respublikasida 2023-yil aholini ro‘yxatga olishga tayyorgarlik ko‘rish va o‘tkazish to‘g‘risida”gi qarorining bajarilishi yuzasidan seminar tashkil etildi.
Seminarda Yozyovon tumani statistika bo‘limining bosh mutaxassisi A.Xakimov tomonidan aholini ro‘yxatga olish 2023-yil 1 — 25-noyabr kunlari o‘tkazilishi, bundan tashqari aholini ro‘yxatga olish tadbiri aholi soni, yashash sharoiti, ma’lumoti, bandligi, yoshi, jinsi, millat tarkibi, respublika hududida aholining joylashuvi haqidagi ma’lumotlar yagona axborot tizimiga kiritilishi haqida ma’lumot berildi.
Yozyovon tumani statistika bo‘limi.