Joriy yilning 29-mart kuni, Beshariq tumaniga qarashli 3-umumiy o‘rta ta’lim maktabi jamoasi ishtirokida aholini ro‘yxatga olishga tayyorgarlik ko‘rish va uni o‘tkazishga bag‘ishlangan o‘quv seminari bo‘lib o‘tdi.
Seminarda, tuman statistika bo‘limi yetakchi mutaxassisi A.Abduhamitov qatnashib, O‘zbekiston Respublikasi Vazirlar Mahkamasining 2020-yil 11- noyabr kungi “O‘zbekiston Respublikasida 2023-yil aholini ro‘yxatga olishga tayyorgarlik ko‘rish va uni o‘tkazish chora-tadbirlar to‘g‘risida”gi 710-sonli qarorining mazmun va mohiyati haqida qisqacha ma’lumot berdi.
Jumladan, u аholi sonini ro‘yxatga olish, mamlakatda yashovchi barchaga tegishli bo‘lgan demografik, iqtisodiy va ijtimoiy ma’lumotlarni yig‘ish, umumlashtirish, baholash, tahlil va e’lon qilishning yagona jarayoni ekanligi, aholi to‘g‘risidagi ma’lumotlarning asosiy manbai bo‘lib, kelgusi 10-20 yillik rivojlanishning prognoz ko‘rsatkichlarini hisoblash uchun ishonchli poydevor yaratishi mumkinligi haqida axborot berib o‘tdi.
Beshariq tumani statistika bo‘limi.