Oltiariq tumani statistika bo‘limi tomonidan joriy yilning 30-mart kuni 10-sonli umumiy o‘rta ta’lim maktabi o‘qituvchilari va o‘quvchilari uchun O‘zbekiston Respublikasi Vazirlar Mahkamasining 2020-yil 11-noyabr kungi 710-sonli qarorining mazmun va mohiyatini tushuntirish yuzasidan seminar tashkil etildi.
Seminarda Oltiariq tumani statistika bo‘limi yetakchi mutaxassisi I.Holboyev ishtirokchilarga aholini ro‘yxatga olish ma’lumotlari “ijtimoiy himoya”, “investisiya”, “uy-joy”, “sog‘liqni saqlash”, “madaniyat”, “turizm”, “ta’lim”, “yo‘l qurilishi va infratuzilma” kabi manzilli dasturlarning tayyorlanishi va amalga oshirilishida xizmat qilishi, kelgusida aholini ro‘yxatga olish natijalariga asoslanib, ushbu dasturlarni amalga oshirish, iqtisodiy prognozlash va demografik siyosatni shakllantirishda muhim o‘ringa ega ekanligi haqida tushuncha berib o‘tdi.
Oltiariq tumani statistika bo‘limi.