Joriy yilning 21-iyun kuni Bag‘dod tumani snanbnbka bo‘limi hamda “Tohir-Bag‘dod” televideniyasi hamkorligida “O‘zbekiston” mahalla fuqarolar yig‘ini faollari ishtirokida O‘zbekiston Respublikasi Vazirlar Mahkamasining 2020-yil 11-noyabr kungi “O‘zbekiston Respublikasida 2023-yilda aholini ro‘yhatga olishga tayyorgarlik ko‘rish va uni o‘tkazish chora-tadbirlari to‘g‘risida”gi 710-sonli qarorining bajarilishi yuzasidan seminar tashkil etildi.
Seminarda tuman statistika bo‘limining bo‘limi boshlig‘I K.Imomov tomonidan aholini ro‘yxatga olish jarayonida mahalla fuqarolar yig‘ini faollariga qo‘yilayotgan vazifalar, mehnat va uy-joy bozorlarini o‘rganish va rejalashtirish, respublika budjetini tuzish, transport siyosatini yuritish, ijtimoiy ta’minot, sog‘liqni saqlash masalalarida muhim ma’lumotlarni olish, umumlashtirish va yagona axborot tizimiga yig‘ish kabi ishlar amalga oshirilishi haqida tushuncha berib o‘tdi.
Bag‘dod tumani statistika bo‘limi.