Joriy yilning 15-iyul kuni O‘zbekiston Respublikasi Vazirlar Mahkamasining 2020-yil 11-noyabr kungi “O‘zbekiston Respublikasida 2023-yilda aholini ro‘yhatga olishga tayyorgarlik ko‘rish va uni o‘tkazish chora-tadbirlari to‘g‘risida”gi 710-sonli qarorining bajarilishini ta’minlash maqsadida Farg‘ona tumani “Ro‘yxatga olish” bo‘limi tomonidan tumanga qarashli “Qorayantoq” hamda “Yuqori Vodil” mahalla fuqarolar yig‘inlarining kartografik xaritasini o‘rganish jarayoni olib borildi.
O‘rganish jarayonida mazkur mahallaga tegishli ko‘chalarning ko‘cha nomlari belgilari ilinganligi, raqamlanmagan xonadonlarni raqamlashtirish, xaritada ko‘rsatilgan turar va noturar joylarni birma-bir yurib, xarita bilan taqqoslash ishlari amalga oshirildi va mahalla fuqarolar yig‘ini xodimlariga qilinishi lozim bo‘lgan ishlar yuzasidan amaliy ko‘mak berildi.
Farg‘ona tumani statistika bo‘limi.