Joriy yilning 28- iyul kuni Farg‘ona viloyati statististika boshqarmasining “Ro‘yhatga olish jarayonlarini tashkil etish va o‘tkazish” bo‘limi xodimlari, viloyat televideniyasi hamda Farg‘ona shahri “Shodiyona” mahalla fuqarolar yig‘ini faollari ishtirokida “O‘zbekiston Respublikasida 2023-yilda aholini ro‘yxatga olishga tayyorgarlik ko‘rish va uni o‘tkazish chora-tadbirlari to‘g‘risida”gi 710- sonli qarorining bajarilishi yuzasidan targ‘ibot-tashviqot ishlari amalga oshirildi.
Tadbirni Farg‘ona viloyati statistika boshqarmasining “Ro‘yhatga olish jarayonlarini tashkil etish va o‘tkazish” bo‘limi boshlig‘i A.Abdurazaqov kirish so‘zi bilan ochdi. Shundan so‘ng, bo‘lim mutaxassisi G‘.Mamajonov mahalla fuqarolar yig‘ini faollariga ushbu qarorning mazmun va mohiyati haqida qisqacha axborot berdi, ko‘cha nomlari, xonadon tartib raqamlarini shakllantirish bo‘yicha mahalla xodimlariga yuklatilgan vazifalar haqida tushuncha berdi va amaliy yordam ko‘rsatildi.
Axborot xizmati.