Joriy yilning 22-avgust kuni Oltiariq tumani Maktabgacha va maktab ta’lim boshqarmasi xodimlari ishtirokida seminar tashkil etildi. Seminarni Farg‘ona viloyati statistika boshqarmasi boshlig‘i Sh.Mamadaliyev ochib, kun tartibiga qo‘yilgan masalalar bo‘yicha o‘z fikr va mulohazalarini bildirib, so‘zni boshqarma bosh yuriskonsulti A.Nurmatovga berdi va xafta davomida qabul qilingan O‘zbekiston Respublikasining 2025-yil 18-avgust kungi “Ijro ishi bo‘yicha kafolat mablag‘larini kiritish instituti joriy etilishi munosabati bilan «Sud hujjatlari va boshqa organlar hujjatlarini ijro etish to‘g‘risida»gi O‘zbekiston Respublikasi qonuniga qo‘shimcha va o‘zgartirishlar kiritish haqida”gi O‘RQ-1082-son qonuni hamda O‘zbekiston Respublikasi Prezidentining 2025-yil 18-avgust kunidagi “O‘zbekiston Respublikasi Prezidentining ayrim qarorlariga mahallalarda jinoyatchilikning barvaqt oldini olish tizimi natijadorligini yanada oshirishga qaratilgan o‘zgartirish va qo‘shimchalar kiritish to‘g‘risida”gi PQ-253-son qarorining mazmun-mohiyatini va ahamiyatini yuzasidan ma’ruza qildi. U xususan, keyingi yillarda mamlakatimizda sud hujjatlari va boshqa organlar hujjatlarini ijro etish tizimini takomillashtirish sohasida tizimli ishlar amalga oshirilayotganligi, mazkur qonun bilan “Sud hujjatlari va boshqa organlar hujjatlarini ijro etish to‘g‘risida”gi O‘zbekiston Respublikasi Qonuniga mulkiy tusdagi sud hujjati bo‘yicha majburiyatlarning bajarilishini majburiy ijro organining depozit hisobvarag‘iga pul mablag‘larini o‘tkazish yo‘li bilan ta’minlashga, ya’ni ijro ishi bo‘yicha kafolat mablag‘larini kiritish orqali amalga oshirishga oid normalar kiritilganligi, bunda ijro ishi bo‘yicha kafolat mablag‘larini kiritish ijro ishi yuritishni to‘xtatib turish, qarzdorga va uning mol-mulkiga nisbatan qo‘llanilgan cheklovlarni bekor qilish uchun asos bo‘lishi nazarda tutilganligi, sud qarori o‘z foydasiga qabul qilingan shaxslarning qonuniy manfaatlarini hamda sud qarorlarining so‘zsiz ijro etilishini ta’minlashga xizmat qilishi haqida keng va atroflicha to‘xtalib o‘tildi. Shu bilan birga, hamda O‘zbekiston Respublikasi Prezidentining 2025-yil 18-avgust kunidagi “O‘zbekiston Respublikasi Prezidentining ayrim qarorlariga mahallalarda jinoyatchilikning barvaqt oldini olish tizimi natijadorligini yanada oshirishga qaratilgan o‘zgartirish va qo‘shimchalar kiritish to‘g‘risida”gi PQ-253-son qarorida kriminogen vaziyati murakkab mahallalarni sun’iy intellektda ishlovchi maxsus dasturiy ta’minotga integratsiya qilingan zamonaviy kuzatuv kameralari bilan to‘liq qamrab olish, joriy yil yakuniga qadar jismoniy shaxslar mol-mulkini texnik qo‘riqlash qamrovini 30 foizga, yuridik shaxslar mol-mulkini qo‘riqlash qamrovini esa 60 foizga yetkazish, shuningdek, ichki ishlar organlarida yuqori malakali kadrlar zaxirasini shakllantirish maqsadida Ichki ishlar vazirligi Akademiyasida masofaviy ta’lim shakli joriy etilishi hamda bakalavriat dasturi bo‘yicha qabul kvotalari bosqichma-bosqich oshirib boorish, mahalla huquq-tartibot maskanlari faoliyati yo‘lga qo‘yilishi, qaror bilan “Kriminogen vaziyati murakkab mahallalarda jinoyatlarning oldini olish bo‘yicha manzilli choralar” Konsepsiyasi tasdiqlanganligi, mahallalarda alohida tashkiliy-profilaktik tadbirlar hamda manzilli choralar bilan ilmiy-amaliy yondashuvlarni uyg‘unlashtirgan holda kriminogen vaziyatni barqarorlashtirish va xavfsiz muhitni yaratish yuzasidan shu va shu kabi ma’lumotlarga to‘xtaldi. Bundan tashqari, kun tartibiga qo‘yilgan davlat statistika hisobotlarini taqdim etish va konsalting xizmatlarini ko‘rsatish jarayonlarida korrupsion holatlarini oldini olish bo‘yicha tushunchalar berildi.
